Ta deg ein tur bort på ryolittbrotet neste gong du er på Siggjo. Tenk deg at her sat det folk for fem tusen år sidan og lagde seg pilespissar til jaktbogane sine, piler som er funne att heilt nord i Trøndelag! Steinbrotet er i lia rett vest for tjørna på nordenden av Siggjatoppen. Staden var ideell på mange måtar; her var ryolitten glasaktig og perfekt for pilespissar, og i tjørna like over kunne dei hente vatn i skinnsekker til å tøme på berget som dei først varma opp med bål. Det store temperaturfallet i steinen gjorde då sitt til at berget sprakk i høvelege emner, som dei vidareforedla der i lia. Restane etter pilespissproduksjonen finn du i lyngen om du ser etter!
Sjå film her
Les meir (PDF)
